Roderick Galantay resta per in'ulteriura perioda d'uffizi president communal da Tschiertschen-Praden. La radunanza communala ha er reelegì ils commembers da suprastanza Barbara Gubelmann Plump, Franz Grimm, Valentin Hitz per la perioda d'uffizi 2021 fin 2023.
Da nov en suprastanza è Martin Plump. El remplazza Johann Ulrich Engi che ha demissiunà. Plump è vegnì elegì en il segund scrutini. Candidat uffizial era Marco Engi. Plinavant ha la radunanza er elegì ils ulteriurs funcziunaris da vischnanca.