Il suveran da Claustra-Serneus vul ina midada al timun da la vischnanca. Cun 1'676 vusch è elegì Hansueli Roth da la Partida burgais-democratica. Il president en uffizi Kurt Steck (senza partida) ha survegnì 134 vuschs. El sto uschia rumir ses post suenter duas periodas d'uffizi.
En suprastanza èn vegnids elegids Andres Ruosch (PLD, nov), Eva Waldburger (PLD, en uffizi) e Vinci Carrillo (PBD, nov) und Florian Thöny (PBD, en uffizi).
Segund scrutini per parlament
Per il parlament che dumbra 15 persunas eran be 12 persunas sa messas a disposiziun. Tuttas èn vegnidas elegidas. Per ils dus posts vacants datti in segund scrutini ils 29 da november.
