-
Bild 1 von 5Legenda: Walter Schlegel è gugent or en la natira - a pe u cun velo. MAD -
Bild 2 von 5Legenda: Walter Schlegel (terz da dretg) durant ina scolaziun d'aspirants da polizia. RTR, Selina Chistell
-
Bild 3 von 5Legenda: Er tar controllas da polizia sco qua a Rothenbrunnen fa Walter Schlegel visita. RTR, Selina Chistell
-
Bild 4 von 5Legenda: Ina part da la lavur da cumandant: Discurrer cun ils maina-partiziuns da la Polizia chantunala. RTR, Selina Chistell
-
Bild 5 von 5Legenda: Tar la lavur da cumandant s'auda er lavur administrativa. RTR, Selina Chistell
Walter Schlegel è naschì e creschì si ses emprims onns d'uffanza en il Puschlav. Pli tard è la famiglia sa chasada a Cuira ed il 1980 lura a Trimmis, nua ch'el abitescha anc oz. Suenter la scola chantunala ha el cumenzà in studi sco inschigner. El ha dentant midà champ e studegià giurisprudenza a l'Universitad da Turitg. En il servetsch militar è el stà uffizier.
Enavos en il chantun Grischun
Suenter il licenziat è Walter Schlegel turnà en il Grischun ed ha lavurà en differentas funcziuns tar il chantun. El è tranter auter stà schef da l'Uffizi chantunal da polizia, secretari dal Departament per l'economia publica e la finala – dapi il 2012 – cumandant da la Polizia chantunala grischuna. Dapi lura maina el bun 500 persunas.
Sper blera lavur da sesidas e coordinaziun è Schlegel er adina puspè en viadi - saja quai tar controllas da polizia u era tar scolaziuns dad aspirants.
La famiglia ed il sport – equiliber sper la lavur
Cun sia dunna ha Walter Schlegel trais uffants tranter 15 e 22 onns. Ensemen cun els fa el gugent sport, va a viandar, cun velo u er a guardar gieus dal Club da hockey da Tavau. L'entira famiglia saja fan dal HCD. Ed era la regiun enturn Tavau haja ina speziala muntada per la famiglia: Savens fetschian els là viandadas u giajan cun skis. Plinavant è Walter Schlegel in rimnabulieus passiunà.
RR actualitad 07:00+