Venderdi mezdi ha la Polizia da la citad da Cuira survegnì in alarm: in giat saja serrà en davos in tresor. Cun quai ch'il tresor saja fitg grev, n'èsi betg stà pussibel da spendrar il giat simplamain uschia.
Legenda:
En ina situaziun critica: «Cesar» era serrà en davos in tresor grev.
Polizia da Cuira
Suenter in curt telefon als pumpiers da Cuira èn quels dentant vegnids per salvar. Cun in apparat spezial èsi gartegià da stuschar davent il tresor da la paraid. Uschia è «Cesar» vegnì spendrà ord sia situaziun – grazia a l'engaschi da las forzas d'intervenziun.
Legenda:
La Polizia da Cuira ha puspè surdà il giat a sia possessura. Happy End per tuts!
Polizia da Cuira