Dretgiras regiunalas - Mo pli en la regiun Bernina mancan derschaders e derschadras
En il Grischun èn vegnids elegids ils 9 da zercladur ils derschaders da las dretgiras regiunalas. Quai dentant be tar 3 dretgiras – tar 8 hai dà in'elecziun senza scrutini, perquai ch'igl ha da tantas candidatas sco sezs. RTR dat ina survista da las dretgiras
Las dretgiras da l'Engiadina Bassa / Val Müstair e da la regiun Alvra èn vegnidas cumpettadas ils 9 da zercladur per la perioda d'uffizi 2025-2028:
Bernina
En la regiun Bernina hai bain dà in candidat per il post da presidi, dentant betg avunda persunas per ils posts da derschaders. Perquai hai dà ina elecziun publica ils 9 da zercladur. In segund scrutini per ils ulteriurs posts datti ils 11 d'avust – sch'i dat annunzias, uschiglio sto vegnir definì in'ulteriura data. En tut èn 8 posts da derschaders d'occupar.
President da la dretgira per la perioda d'uffizi 2025-2028
Hans-Jörg Bannwart da Poschiavo
Per ils posts da derschader u derschadra candideschan:
Las ulteriuras otg regiuns
En tut las ulteriuras regiuns hai dà medem blers candidats sco posts. Igl ha en tuttas regiuns dà elecziuns taciturnas, pia senza in scrutini public.
Elecziun taciturna / senza scrutini
Avrir la boxSerrar la box
Per las elecziuns da las dretgiras regiunalas datti la pussaivladad d'ina elecziun taciturna. Quella è pussaivla sch'i dat tants candidats e candidatas sco sezs. Sche quai n'è betg il cas datti in'elecziun publica.
La cumissiun administrativa da mintga dretgira regiunala decida sch'i dat l'elecziun senza scrutini u betg.
