Il Cussegl communal da Domat ha approvà il credit d'object da 478'000 francs per sanar la via e per renovar Caschnés Sid. Quai cun 14 cunter 0 vuschs. Quai communitgescha la vischnanca.
Cun il project da sanaziun Caschnés Sid duai la situaziun da traffic sa meglierar per peduns, velos, sco er per ils autos. Il stan actual n'adempleschia betg las pretensiuns da segirezza. Cun quest project duai dar ina nova via da peduns cun ina ladezza dad 1,8 meters enfin tar la Via Tardels. Plinavant duai la via per ils autos vegnir schlargiada fin sin 4,4 meters e la storta duai vegnir adattada. Sin quest traject pudessan autos lura sa cruschar senza problems en la zona da 30.
La fatschenta è suttamessa al referendum facultativ.
