La «Residenza Ensemen» a Domat po vegnir bajegiada. En ina votaziun a l'urna ha il suveran concedì cun 876 cunter 93 vuschs in credit d'object. Ils custs d'investiziun èn calculads cun prest 10,7 milliuns francs. Domat quinta cun 4 milliuns agen chapital.
I sa tracta d'abitaziuns per persunas attempadas. Tenor il messadi saja il lieu en la Via Baselgia predestinà per quest intent, perquai ch'ins possia tant far cumissiuns en la vischinanza sco er far diever d'auters servetschs. Latiers sajan las fermadas dal traffic public betg lunsch davent.