La Viafier retica ed il manader da producziun e commember da la direcziun, Markus Barth van a partir dad immediat vias separadas.
Tenor communicaziun da l'RhB vegnia Barth a s'orientar professiunalmain da nov. Ins saja sa decidì en enclegientscha vicendaivla che Barth mettia a disposiziun sia funcziun per immediat.
Davart motivs per la separaziun n'ha l'RhB communitgà nagut. Fin ch'ins haja chattà in successur u ina successura vegnia il directur Renato Fasciati a surpigliar las incumbensas che Barth aveva fin uss.