La situaziun actuala è clera: Sche nus na reducin betg entaifer ils proxims 65 onns nossa producziun da CO2, s'augmenta la temperatura massivamain. I vegn discurri da 3°C enfin 6,5°C pli chaud che mumentan. Per guardar co nossas plantinas indigens reageschan sin questas temperaturas nunusitadas ha la scola EMS a Schiers installà duas chasettas da vaider da mintgamai 2,5m².
Duas chasettas – duas temperaturas
En l'emprima chasetta da vaider èsi 3°C pli chaud che normal durant quai temp en il Grischun – pia 26°C. En l'autra èsi per 6,5°C pli chaud – pia 30°C. Vitiers vegn la mesadad da las plantinas bagnadas 5 giadas ad emna, e l'autra mesadad mo 3 giadas.
Sut questas differentas cundiziuns creschan las plantinas e verduras indigenas. Il resultat, tge plantinas che creschan lura pli pauc, u insumma betg, pon ins guardar en las proximas emnas a Schiers avant las scola media evangelica.
Tar las fotografias sutvart pon ins vesair insaquantas differenzas, gia suenter duas emnas.
-
Bild 1 von 4Legenda: Las plontinas sut las cundiziuns: 26 grads cun dar aua 5 giadas ad emna. RTR, Ivo Orlik -
Bild 2 von 4Legenda: Las plontinas sut las cundiziuns: 26 grads cun dar aua 3 giadas ad emna. RTR, Ivo Orlik
-
Bild 3 von 4Legenda: Las plontinas sut las cundiziuns: 30 grads cun dar aua 5 giadas ad emna. RTR, Ivo Orlik
-
Bild 4 von 4Legenda: Las plontinas sut las cundiziuns: 30 grads cun dar aua 3 giadas ad emna. RTR, Ivo Orlik
RR actualitad 07:00
- Dapli dal project «Missiun B» .
- Registrai Vossa surfatscha biodiversa sin missiunb.ch .
- As participai a nossa gruppa sin Facebook .