Silvio Zuccolini è mort en la vegliadetgna dad 80 onns, quai ha annunzià sia famiglia en in'annunzia da mort en la gasetta. El è tranter auter stà l'emprim schef da pressa da la Partida liberal-democratica dal Grischun. Cumenzà cun questa lavur ha el il 1987 ed è restà dapli che 3 decennis schef da pressa da la PLD.
A chaschun da la radunanza generala da la PLD dal Grischun 2017 ha Silvio Zuccolini declerà co ch'el è daventà schef da pressa:
Silvio Zuccolini, ch'è creschì si a Cuira è era stà durant 40 onns directur da l'ospital da Tusaun, quest post ha el surpiglià il 1968 en la vegliadetgna da 25 onns.