La citad da Cuira posseda quatter camiuns da rument che van cun diesel. In da quels è en funcziun gia dapi 16 onns ed ha cuntanschì la fin da la durada da sia vita, scriva la citad. Pervi da memia grondas reparaturas ed ina tecnologia antiquada, ed emissiuns pli grondas s'imponi da remplazzar.
Decisiun dal parlament da citad
Il zercladur dal 2022 ha il cussegl communal da la citad da Cuira decidì da remplazzar in dals quatter camiuns tras in camiun electric. Probabel vegn en dus onns remplazzà il proxim camiun. Sche quel è era electric dependa da las experientschas che vegnan ussa fatgas.