La citad da Cuira n'haja mai vulì organisar a lunga vista l'exposiziun da commerzi da primavaira. Suenter la pandemia da corona ha ella dentant organisà ina giada la Grimavera .
Puspè Higa enstagl Grimavera
Uss datti in'organisatura privata, la United Events SA che vul organisar la proxima exposiziun. Quella duai puspè avair num Higa. Quai scriva l'United Events SA en ina communicaziun a las medias. La Higa vegnia 2024 ad avair lieu en la halla da la citad veglia, e il pli tard il 2026 en la nova halla da la citad.
Suenter la pandemia ha la veglia organisatura, l'Expo Cuira SA, smess, e la citad aveva surpiglià l'organisaziun per ch'i dettia ina exposiziun. Quai di il manader da la Higa Marco Tscholl envers la «Südostschweiz». A lunga vista n'haja la citad dentant betg vulì che l'exposiziun da commerzi, mastergn ed industria saja en mauns privats. La citad è dentant represchentada en l'United Events SA cun la Stadthalle Cuira SA, ch'è per gronda en possess da la citad Cuira.
