Ils demonstrants han be repartì rosas a passants ed han vulì far attent che las cifras d'infecziun na vegnian betg commmunitgadas correctamain. Tenor els na vegni betg fatg avunda la differenza tranter persunas che moran pervia dil coronavirus e persunas ch'ein bein infectadas cun il virus, na moran dentant betg pervia da quel.
![Fluras.](https://www.rtr.ch/static/cms/images/960w/2b7289.jpg)
Er a Berna han demonstrants vulì sa radunar. Ma la Polizia ha impedì consequentamain che adversaris da las mesiras cunter il coronavirus han pudì far quai. Tuttas persuna che han vulì sa rimnar sin la plazza federala u davant l'areal da l'Expo ha ella tramess davent. La demonstraziun n'è betg stada lubida. La polizia haja fatg attent che quels che na giajan betg davent, vegnian denunziads.
Uschia er a Turitg sin la plazza dal Sächseläuten. Ed er a Basilea è la polizia stada en acziun.