Cuira - Nagina «Chasa dals chors» en anteriura chasa Arcas

Suenter che la biblioteca da la citad è dischlocada en l'anteriur edifizi da la Posta avevan ins organisà ina concurrenza d'ideas per nizzegiar la Chasa Arcas da nov. Gudagnà aveva il project «Chasa dals chors». Ma quel è uss vegnì retratg, perquai che la purschida da plazs è vegnida minimada. Il cussegl da la citad saja dentant vinavant interessà da posiziunar Cuira sco citad dal chant. Tenor communicaziun tschertgian ins uss il discurs cun il terz project-victur, il Forum Arcas.