Retschertgas da SRF han mussà ch'in monument sin il santeri Daleu è d'origin naziunalsocialist. Igl è in dals sulets monuments ch'ina organisaziun naziunalsocialistica ha mess si en Svizra per regurdar vi da schuldada tudestga ch'è morta durant l'Emprima Guerra mundiala, in uschenumnà «Heldendenkmal».
Il president da la citad Urs Marti di envers SRF che ses predecessurs hajan manchentà d'«analisar criticamain il monument». El vul dentant guardar ad il monument en moda istorica. El possia metter avant da laschar il crap sco monument istoric e commemorativ.
-
Bild 1 von 2Legenda: Il crap da granit naziunalsocialistic a Cuira, sin ina fotografia dal 1958. Volksbund Tgira da fossas da guerra tudestgs -
Bild 2 von 2Legenda: Radunanza da nazis a Turitg il 1942: 12'000 tudestgs èn sa participads. Archiv da la citad Turitg
Ils nazis han da lur temp er sa derasà en Svizra. Il punct culminant era ina radunanza da 12'000 nazis a Turitg en il Hallenstadion durant la Segunda Guerra mundiala 1942. Ina istorgia che saja vegnida lavurada si mo punctualmain, di l'istoricher Martin Bucher envers SRF. Ch'ins haja emblidà il crap a Cuira saja sintomatic per quai.