Andrea Kauer Loens, la directura dal Museum Retic banduna il museum a Cuira e mida al Museum naziunal dal Principadi da Liechtenstein, quai ha il cusseglier guvernativ Jon Domenic Parolini ditg a l'inscunter da la regenza cun las medias. Fin la primavaira resta Andrea Kauer anc directura dal Museum Retic a Cuira. A partir dal prim da matg 2024 surpiglia ella sia nova incumbensa en il Liechtenstein.
Andrea Kauer Loens è stada passa nov onns directura dal museum retic e fa er part da la suprastanza da la Federaziun dals museums svizzers.