Las regenzas dals chantuns Tessin e Grischun èn sa scuntradas ad in discurs da lavur ad Arvigo en la Val Calanca. Quai scriva la regenza dal chantun Grischun. En il center dals discurs èn la promoziun da las medias talianas sco er il traffic da guntgida per lung da l'axa nord-sid stads. Ulteriurs temas èn la futura colliaziun directa da bus da Biasca a Mustér sur il pass dal Lucmagn, la planisaziun dal territori sco er la cooperaziun transcunfinala stads.
-
Legenda: Las regenzas dal Grischun e Tessin en la Val Valanca. Repubblica e Cantone Ticino
Il Cussegl da stadi, sco che la regenza chantunala dal Tessin sa cloma, è vegnì timunà dal president da stadi Raffaele De Rosa. El è vegnì accumpagnà da la cussegliera da stadi Marina Carobbio Guscetti sco er dals cussegliers da stadi Christian Vitta, Norman Gobbi e Claudio Zali. Medemamain part da la delegaziun èn stads il chancelier Arnoldo Coduri ed il delegà per las relaziuns externas Francesco Quattrini.