La stad 2021 èn las duas dumondas da bajegiar per il resort e la chasa da parcar da las Pendicularas Claustra-Madrisa vegnidas publitgadas. La decisiun da la suprastanza saja silsuenter sa retardada, cunquai ch'i haja dà en tut 10 recurs encunter il project – dus recurs collectivs, set recurs da persunas privatas ed in da l'organisaziun da l'ambient Helvetia Nostra. La vischnanca ha en il fratemp refusà tut quels recurs e lubì il project ils 17 da schaner 2022. Encunter la decisiun da la suprastanza communala po dentant anc vegnir fatg recurs tar la Dretgira administrativa grischuna. Il project «Ober Ganda» prevesa in'hotel da trais stailas e chasas da vacanzas cun totalmain 550 letgs ed ina chasa da parcar per 430 autos. Sco emprim duai vegnir construida la chasa da parcar per passa 11 milliuns francs ed a partir dal 2024 lura il resort che custia radund 36 milliuns francs. L'avertura è planisada per l'enviern 2026/27.
cuntegn
Claustra Refusà ils recurs cunter «Ober Ganda»
La suprastanza communala da Claustra ha dà la permissiun da construcziun per il resort da vacanzas «Ober Ganda». Quai ha confermà il chanzlist Michael Fischer sin dumonda da las gasettas da Somedia.
Parter
audio
Per tadlar: curt e cumpact
ord RTR Audio dals 01.02.2023.
laschar ir. Durada: 1 minuta 8 Secundas.
RTR novitads 06:00
Parter