La radunanza communala da Churwalden ha approvà glindesdi saira in credit brut da 1,15 milliuns francs per engrondir ina via da transport. Cun la via possia il territori tranter Runcalier e Fanülla vegnir accessibel per l'economia forestala.
Chantun e Confederaziun surpiglian probabel 65% dals custs. Il rest dals custs vegn repartids sin la vischnanca ed ils proprietaris dal terren en il rom da la procedura da perimeter en relaziun da 40 tar 60%.
