-
Bild 1 von 13Legenda: Ed uss anc il tschierv - Luzi Cadosch è pront per sajettar. RTR, Tona Poltera -
Bild 2 von 13Legenda: Il guardiaselvaschina Armando Janett. RTR, T. Poltera
-
Bild 3 von 13Legenda: Sibylla Demarmels da la centrala da chauns da sang. RTR, T. Poltera
-
Bild 4 von 13Legenda: Il quartet sa metta puspè en viadi. RTR, Toni Poltera
-
Bild 5 von 13Legenda: Ensolver merità suenter las plievgiadas da la bun'ura - la gruppa da chatscha (da san. Luzi Thomann, Renato Plozza, Leo Thomann e Luzi Cadosch) tar pulenta e liongias en tegia. RTR, Tona Poltera
-
Bild 6 von 13Legenda: Return en tegia. RTR, Tona Poltera
-
Bild 7 von 13Legenda: Il chatschader banduna il post aut en il guaud. RTR, Tona Poltera
-
Bild 8 von 13Legenda: Qua avess ella da passar - la selvaschina per il chatschader Luzi Cadosch. RTR, Tona Poltera
-
Bild 9 von 13Legenda: Luzi Cadosch en tschertga dal tschierv. RTR, Toni Poltera
-
Bild 10 von 13Legenda: Luzi Cadosch (76) – ha sajettà en 51 onns da chatscha passa 100 tschiervs. RTR, Toni Poltera
-
Bild 11 von 13Legenda: Tradiziun da la gruppa - cun l'emprima tschaina adina «Hügel». RTR, Tona Poltera
-
Bild 12 von 13Legenda: La gruppa da chatscha (da san.) Renato Plozza, Luzi Cadosch, Leo e Luiz Thomann davant tegia. RTR, Tona Poltera
-
Bild 13 von 13Legenda: La tegia si Monas - il dachasa da la gruppa da chatscha che RTR accumpogna. RTR, Tona Poltera
Ils 3 da settember è ella ida libra: Bunamain 5'500 chatschaders e passa 200 chatschadras han cummenzà la chatscha auta 2016. RTR accumpogna la gruppa cun Leo e Luzi Thomann, Luzi Cadosch e Renato Plozza. Ensemen han els quatter passa 100 onns experientscha da chatscha. Lur territori è sur Parsonz en Surses.
Centrala per ils chauns da saung
Sibilla Demarmels è il quart onn responsabla per la centrala da telefon per ils chauns da saung en Surses / Alvras. Ils chauns da saung dovr'ins per chattar selvaschina tutgada e blessada ch'è tuttina scappada. Uschia ha ella la survista da la chatscha en il Grischun central.
Emprima bilantscha - glindesdi, ils 5 da settember
Plievgia, fraid e tschajera – quai era la situaziun da quest glindesdi bun’ura a chatscha. Tona Poltera dad RTR è sesì ensemen cun il chatschader Luzi Cadosch (76) sin in post aut en il guaud si sur Parsons en Surses. La vista è buna.
Il post aut è en in tagl da guaud en in anteriur asil da selvaschina. Ensasez in bun lieu per ir a chatscha, quinta Luzi Cadosch. Quest onn n’èsi dentant anc stà nagut. Magari massa bler bulieus ed uschia era da quels che tschertgan bulieus ed han stgatschà la selvaschina, suppona Luzi Cadosch.
Suenter 3 dis
I va liber - sonda, ils 3 da settember
Dapi questa bun'ura las 06:00 è libra la chatscha auta 2016. Tut en tut han las chatschadras ed ils chatschaders 21 dis temp da sajettar lur preda.
Dentant spera mintgina e mintgin da gia tutgar l'emprim di.
L'emprima bun'ura da chatscha en Surses
Il di avant - venderdi, ils 2 da settember
Curt avant las sis eran dus dals chatschaders gia en tegia sur Parsonz per s'endrizzar e per cuschinar in risot. Luzi Thomann va per la 13avla gia a chatscha e Renato Plozza per la terza gia.
Leo Thomann che va gia 40 onns a chatscha e Luzi Cadosch che va gia passa 50 onns suenter la selvaschina n'eran anc betg arrivads si Monas.
Tona Poltera ch'accumpogna la gruppa durant l'emprim di da chatscha ha tutgà il puls als chatschaders passiunads. Quel n'era dentant anc betg uschè aut.
RR actualitad 06:00 +