Il chantun Grischun ha decidì in pachet dad 11 mesiras en il cumbat cunter il coronavirus.
A partir das sonda ils 14-03 a las 08:00 uras vala:
1. La protecziun civila vegn activada principalmain per sustegnair il sectur da sanadad.
2. Activitads d’uniuns èn scumandadas (occurrenzas da sport, radunanzas, emprovas etc.)
3. Occurrenzas publicas e privatas cun dapli che 50 persunas èn scumandadas. Las autoritads pon far excepziuns, sche la occurrenza è d'interess public.
4. Occurrenzas religiusas cun dapli che 50 persunas èn scumandadas.
5. Visitas en ospitals e chasas da tgira èn scumandadas.
6. Tar tut las occurrenzas lubidas ed en tut las stizuns èn ils responsabels obligads da resguardar reglas d’igiena e da procurar per avunda distanza sociala.
A partir da sonda ils 14-03 a las 17:00 uras vala:
7. Locals da divertiment ston serrar. Latiers tutgan:
bibliotecas, archivs, kinos, teaters, museums, centers da sport, centers da giuventetgna, wellness, centers da fitness, bogns, discos, bars da musica, clubs da notg, clubs d’erotica etc.
8. Hotels ed ustarias dastgan restar averts cun restricziuns: garantir standarts d'igiena pli auts, almain 1 meter distanza tranter las maisas ed almain 4 meters quadrat spazi per giast. Ustarias che na surveschan betg ston serrar.
A partir da glindesdi ils 16-03 a las 06:00 uras vala:
9. Territoris da skis han da serrar. (La Confederaziun ha decis ch'ils territoris da skis ston serrar per immediat. La regulaziun federala stat sur la regulaziun chantunala.)
10. Las scolas obligatoricas vegnan serradas a partir dals 16-03 a temp indefinì. Quai vala er per lavuratoris d’emprendissadi, curs ordaifer ils manaschis e la furmaziun transitorica. Per la scola populara vala: fin ils 30 da mars na datti nagins pensums da chasa.
Per famiglias che han naginas autras pussaivladads da tgirar lur uffants che il tat e la tatta, ston las instituziuns ch’èn responsablas per la scola porscher dals 16 da mars enfin ils 20 da mars ina tgira alternativa.
Las partiziuns scientificas e da perscrutaziun pon cuntinuar cun la lavur.
11. La nua ch’igl è pussibel vegn ordinà en l’administraziun chantunala homeoffice.
