Legenda:
Avant in mais aveva la dretgira administrativa decis che l’iniziativa «per mo ina lingua estra en scola primara» saja valaivla.
Keystone
cuntegn
Chantun - Iniziativa «per mo ina lingua estra» fatschenta Losanna
I dat recurs cunter la decisiun da la dretgira administrativa dal Grischun davart l’iniziativa per mo ina lingua estra en scola primara. Sco quai che Giuseppe Falbo, il secretari general da la Pro Grigioni Italiano PGI ha ditg envers RTR fetschian 18 persunas recurs sut l'egida da la PGI.
Tranter quellas sajan er Rumantschas e Rumantschs. Aifer las proximas duas emnas vegn la PGI a prender posiziun en chaussa.
Lia Rumantscha sustegna il recurs
Sco quai che Johnnes Flury, il president da la Lia Rumantscha, ha ditg sin dumonda sustegnia la Lia il recurs, er finanzialmain. I saja impurtant che quel vegnia tratg enavant tar il tribunal federal a Losanna, uschia Flury.
Avant in mais aveva la dretgira administrativa decis che l’iniziativa per mo ina lingua estra en scola primara saja valaivla. Quai cuntrari al Cussegl grond ch’aveva valità l’iniziativa sco nunvalaivla.
