Legenda:
Ivas prontas per la vendemia, qua da l’october 2016 a Fläsch.
Keystone
cuntegn
Chantun - Vendemia uschè baud sco darar
Pervia da l'aura chauda e sitga da questa stad, vegnan ils viticulturs en il Grischun a far vendemia gia duas fin trais emnas pli baud ch’usità. Quai ha ditg il cumissari da viticultura grischun Hans Jüstrich al schurnal regiunal da radio SRF. Las ivas hajan supportà bain la stad.
Normalmain vegnan las ivas racoltadas en il Grischun l'october. En tscherts lieus pudess quai dentant esser quest onn gia mez settember, ha agiuntà Hans Jüstrich.
Tge influenza che l'aura chauda e sitga haja sin la qualitad, gliez saja uss anc grev da dir. Las premissas per ina buna annada sajan dentant dadas.
