La polizia chantunala ha chattà l'um sparì en ses auto en il chagliom datiers da Luven. La polizia aveva survegnì l'avis sin quest auto, suenter ch'ella aveva fatg in'annunzia da spariziun. Persunas avevan infurmà ch'in auto sa chattia sut la via da Lumnezia en in chagliom, en vischinanza dal spartavias en direcziun da Luven.
Sco la polizia chantunala grischuna scriva, sclereschan ella e la Procura publica las circumstanzas da l'accident.
RR novitads 17:00