Legenda:
Bischutaria u vestgadira - las fatschentas da Nadal na marschan quest onn betg uschè fitg.
RTR, S.Degonda
cuntegn
Chantun - Svieuta da fatschenta da Nadal è main buna
Las cifras da la fatschenta da Nadal quest onn sajan bunas, ma main bunas che l’onn passà, quai di Patrick Stebler, possessur da la drogaria e parfumaria Impuls a Cuira. Era in motiv sajan ils shops dad online, nua che blers cumpran lur regals da Nadal.
Era en la bischutaria da Regula Carigiet vesi ora sumegliant. Vinavant di ella che bischutaria saja in product da luxus, che betg mintgin po sa prestar ozendi.
Era la temperatura empernaivla è in factur che na fa betg uschè gust da cumprar ils regals da Nadal. Stizuns da vestgadira sco il Globus dad umens fan perquai gia vendita speziala avant Nadal e betg sco usità pir suenter las festas. La manadra da la filiala Rita Albin manegia, ch'ils blers na vulan betg cumprar vestgadira chauda e chapitschas da questas temperaturas.
