La regenza grischuna sustegn il nov urden da finanzas 2021 da la Confederaziun. Concretamain duai vegnir abolida la limitaziun temporara da la taglia sin la plivalur e da la taglia federala directa.
Quai permettess a la Confederaziun da pudair incassar permanentamain las duas taglias. Uschia vegnissan las duas funtaunas d'entradas principalas da la Confederaziun segiradas a lunga vista.
Ils chantuns èn participads cun ina quota da 17% a la taglia federala directa, perquai saja quella era fitg impurtanta per ils chantuns.
