Cun «egual 21 – plan d’acziun per l’egualitad en l’administraziun chantunala» rinforzia la regenza in mund da lavur che promova egualitad, la cumpatibilitad sco er l’inclusiun. In punct central dal plan d’acziun sajan models da lavurs pli adattads per collavuraturas e collavuraturs. Quai scriva il chantun en ina communicaziun.
Il plan è vegnì elavurà durant ils ultims 12 mais en in process participativ entaifer l'administraziun. I saja il grond giavisch d’integrar las pli diversas realitads da lavur en il plan d’acziun per l’egualitad.
L’administraziun chantunala dumbra radund 3'700 collavuraturas e collavuraturs ed è uschia in dals gronds patruns en il Grischun.
