Semadeni duai defender ses post en il Cussegl naziunal. Sco segund sin la glista da la PS cumbatta Jon Pult per in sez en la chombra gronda a Berna. Sco terza han ils delegads da la PS nominà surprendentamain la giuvna Hanna Bay. Sin las davosas duas plazzas da la glista d'elecziun èn Beatrice Baselgia ed Andreas Thöny.
PS vul conquistar in segund sez
Per il president dals socialdemocrats grischuns Jon Pult èsi cler tge che sia partida vul cuntanscher cun questa glista: daventar pli ferma e cuntanscher uschia forsa in segund sez en il Cussegl naziunal sco en ils onns 1990.