Legenda:
Turissem
Il turissem en il Grischun duai vegnir pli innovativs, perquai sustegn il chantun finanzialmain projects cun in grond grad d'innovaziun.
RTR
Dapi varga 2 onns posseda l'uffizi per economia e turissem in pot da 21 milliuns francs per projects innovativs pel turissem dal Grischun. Ideas datti avunda, dentant sin projects concrets èsi anc da spetgar.
L'uffizi per economia e turissem ha gia dapi 2 onns in pot da 21 milliuns francs per sustegnair projects innovativs or dal turissem. Dentant enfin uss èn be 4 milliuns vegnids duvrads.
Passa 200 ideas ha la gruppa enturn il president dal cussegl da turissem dal Grischun Ernst Brugger gia examinà. 9 projects èn vegnids sustegnids. 10 ulteriurs projects èn vegnids tramess enavos als iniziants per surlavurar. E quest surlavurar dovria dapli temps che quintà, di Brugger. Perquai quinta el pir ils proxims onns cun dapli dumondas da sustegn.
