Chantun - Premi naziunal per il Teater giuven grischun
Il Teater giuven grischun survegn in dals premis svizzers da teater 2016. Il teater fundà il 2011 dal pedagog da teater Roman Weishaupt vegn premià cun ina summa da 50’000 francs.
Sco l'Uffizi federal per la cultura scriva, saja quest teater gia suenter 5 onns in'instituziun impurtanta per dar impuls a la scena da teater grischuna.
Ils premis svizzers da teater vegnan surdads la fin da matg a Genevra. Quai en il rom dal terz Inscunter svizzer da teater ch'ha lieu per l'emprima giada en la Svizra franzosa.
