Las deputadas ed ils deputads dal Cussegl Grond recumondan al suveran da dir Na a l'iniziativa dubla cun il num «Per ina buna scola grischuna». Las iniziativas han la finamira che betg be la regenza, mabain er il parlament possia decider tar dumondas impurtantas da l'instrucziun.
Sulettamain la PPS è sa messa sin la vart dals iniziants. Per ils auters deputads tutgan ils cuntegns per exempel dal plan d'instrucziun tar ils pensums dals experts e betg da la politica. La politica haja be da procurar per ina buna basa, vul dir, per ina buna lescha da scola.
RR novitads 18:00++
