Legenda:
L'uvestg Vitus Huonder aveva deplorà sche ses referat en la Germania saja vegnì chapì sco discriminaziun.
Keystone
cuntegn
Chantun - Pink Cross na tira betg vinavant il cas da l’uvestg Vitus Huonder
L'uniun tetgala svizra da las persunas omosexualas, Pink Cross, vesa in basegn d'agir giuridicamain en connex cun expressiuns da l'uvestg Vitus Huonder. La situaziun giuridica actuala impedeschia dentant quai, uschia communitgescha Pink Cross.
L'organisaziun aveva inoltrà in plant pervi da expressiuns disfamantas da l'uvestg cunter persunas omosexualas. La procura publica aveva refusà il plant ed ussa ha era la Dretgira chantunala refusà il recurs cunter questa decisiun. I na saja betg pussaivel che l'uvestg haja manegià serius, uschia l'argument. Pink Cross desista da trair il cas avant il Tribunal federal.
