Legenda:
Il possess da fin a 10 grams cannabis na vegn betg chastia. Il consum resta illegals.
Keystone
cuntegn
Chantun - Nagin chasti per il possess da pitschnas quantitads da cannabis
Er en il Grischun na duai betg pli dar chastis per persunas che possedan pitschnas quantitads da cannabis. La Polizia chantunala grischuna ha midà sia pratica suenter ch’il Tribunal federal ha tractà dacurt in cas dal chantun Basilea-citad.
Pitschens quantums da cannabis da 10 grams na duajan betg pli vegnir chastiads da la polizia. Ina persuna che vegnia traplada da la polizia cun in quantum da 10 grams cannabis na vegnia betg pli chastiada. Las drogas vegnian dentant prendidas davent a questa persuna ha ditg Markus Walser envers il schurnal regiunal da radio SRF.
Quai che resta dentant chastiabel è consumar e negoziar cun cannabis.
