Noss redactur Gian-Marco Maissen ha duas patrias: Puntraschigna e Surrein. Quest’emna vul el emprender d'enconuscher la glieud tranter ils dus vitgs e quai cun chaminar 140 kilometers a pe da da l'Engiadina fin en Surselva.
1 / 6
Legenda:
Gian-Marco Maissen è pront per la segunda etappa da Bravuogn a Casti.
RTR, Gian-Marco Maissen
2 / 6
Legenda:
Dorli Josty a dà in sut tetg a Gian-Marco Maissen a Bravuogn.
RTR, Gian-Marco Maissen
3 / 6
Legenda:
Stugl Staziun aveva pli baud ina atgna scola.
RTR, Gian-Marco Maissen
4 / 6
Legenda:
Oz para il mund a Stugl Staziunesser stau salda - ina tualetta veglia.
RTR, Gian-Marco Maissen
5 / 6
Legenda:
Il perin ustier Angela e Gallus Liesch mainan dapi 25 onns il Hotel Rätia a Filisur.
RTR, Gian-Marco Maissen
6 / 6
Legenda:
Dapi che Filisur ha il sviament èn bleras chasas engiadinaisas vegnidas restauradas.
RTR, Gian-Marco Maissen
L’emprima notg ha Gian-Marco Maissen passentà a Bravugn tar Dorli Josty. Gia dapi bunamain 30 onns viva ella a Bravuogn. Per ella vali en mintga cas la paina da visitar il vitg e guardar la baselgia en il center da la vischnanca.
Davent da Bravuogn è Gian-Marco Maissen sa mess sin via direcziun Casti. Cun 20 kilometers è quella ruta 10 kilometers pli curta che questa da l'emprim di. Tuttina spera Gian-Marco Maissen ch’el inscuntra a blers abitats dals vitgs ch’el passa, per udir lur istorgias.
audio
Bunura: Discurs cun Dorli Josty da Bravuogn
04:15 min, ord Actualitad dals 02.08.2016.
laschar ir. Durada: 4 minutas 15 Secundas.
audio
Bunura: Gian-Marco ha bandunà Bravuogn direcziun Casti
02:45 min, ord Actualitad dals 02.08.2016.
laschar ir. Durada: 2 minutas 45 Secundas.
Mardi ils 02-08-2016: Bravuogn – Filisur – Casti
Legenda:
Di 2: Bravuogn - Casti
SchweizMobil
Temp d'arrivada (circa):
08:00 Bravuogn
10:30 Filisur
13:30 Alvagni
16:00 Casti
En il Hotel Rätia a Filisur
Prender si contact
Avrir la boxSerrar la box
Vais vus in lieu da durmir per Gian-Marco Maissen? Enconuschais vus ina istorgia speziala da voss vitg u avais vus sez ina interessanta istorgia da raquintar? Lura scrivai u telefonai gist direct a Gian-Marco Maissen sin il numer 079 877 31 98.
Sin ses viadi a Casti è Gian-Marco Maissen arrivà a Filisur. Qua è el stà sin visita en il Hotel Rätia tar l'ustier Gallus Liesch e l'ustiera Angela Liesch che mainan il Hotel dapi bunamain 25 onns. A Filisur plascha cunzunt il empernaivel clima ad els dus. Ed era manegia Angela Liesch, ch’il vitg saja anc vegnì bler pli bel dapi che la via principala maina ordaifer il vitg.
Da mezdi aveva Gian-Marco Maissen - che n'ha betg organisà plaz da durmir durant quest viadi – anc chattà nagina dimora a Casti per la notg vegninta. Sche quai vegn a sa midar fin la saira?
audio
Bunura: Gian-Marco Maissen è arrivà a Filisur
02:57 min, ord Actualitad dals 02.08.2016.
laschar ir. Durada: 2 minutas 57 Secundas.
audio
Mezdi: Discurs cun Angela Liesch dal Hotel Rätia a Filisur