Tras sia preschientscha a Berna saja Corina Casanova ina impurtanta ambassadura per il Rumantsch, ha ditg il president da la SRG.R, Oscar Knapp. Dentant i dettia anc in auter aspect che gist Corina Casanova ha survegnì il premi da la SRG.R. Ella promova il rumantsch er sch’ella na viva betg en il territori rumantsch.
Quest premi è ina gronda onur per mai ed jau hai enorm plaschair dad el.
Oz stattan numnadamain 40 % da las Rumantschas e dals Rumantschs ordaifer il territori tipic rumantsch. Quai è er stà il motiv daco che la radunanza generala da la SRG.R è stada quest onn per la prima giada a Turitg.
Ils commembers da la SRG.R han acceptà a la radunanza generala a Turitg unanimamain il quint annual dal 2014 ed han en pli era distgargià la suprastanza.
RR novitads 17:00