L’organisaziun che s’engascha per la natira, vegn dentant era adina puspè en conflict cun ils interess da l’economia e dal turissem. Tant ils represchentants da l’economia, sco era il president dal WWF grischun Beat Deplazes accentueschan, ch’i dovria tar mintga project prontadad per far cumpromiss.
Giavischs per il giubileum
Per l’anniversari da 40 giavischa il president dapli commembers per l’organisaziun. Quella dumbra gia 5’000 commembers. Plinavant giavischa Deplazes dapli respect envers la natira, ed uschia damain lavur per il WWF grischun.