Chantun - Il Rain è per in pèr kilos rument pli lev
La fin d'emna han numerus voluntaris schubregià a chaschun dal Cleanup Day il Rain. A Cuira han els betg be tratg or da l'aua rument «usità» sco cuppas, buttiglias, velos ubain plastic, mabain er barschuns da dents, in maletg d'ieli e chaussas anc pli curiusas.
1 / 6
Legenda:
Culm da rument
Tut quai rument è vegni rimnà be tranter Favugn e Haldenstein.
RTR, Sabrina Bundi
2 / 6
Legenda:
Ils voluntaris e lur «preda»
Els han rimnà aifer quatter uras pliras chargias rument a l'ur dal Rhein.
MAD
3 / 6
Legenda:
En l'aua
Quai velo han ils voluntaris l'emprim stuì chavar or da la buglia.
MAD
4 / 6
Legenda:
Velos
En tut èn quatter e mez velos vegnids tratgs or dal Rhein a Cuira.
MAD
5 / 6
Legenda:
Bajegià or da plastic
Quai utschè ha fatg ses igniv tranter auter cun plastic.
MAD
6 / 6
Legenda:
Rument in zic curius
Er in pitschen maletg ed in barschun da dents è vegnì chattà a la riva.
MAD
Il Rain porta mintg'onn milli tonnas rument en la mar. Quest onn dentant in zic pli pauc, perquai ch'ina gruppa da bun 30 voluntaris han deliberà il Rain tranter Favugn e Haldenstein da chargias e chargias rument – stumbels da cigarettas, cuppas, buttiglias, plastic, lenn, palas, tirastrubas, trottinets, velos, pneus, farclas, furtgas, paraplievgias... Organisà la schubregiada han il WWF Grischun ed «oba aba – ZeroWaste Ladencafé Cuira».
audio
Il Cleanup Day a Cuira
03:31 min, ord Actualitad dals 16.09.2018.
laschar ir. Durada: 3 minutas 31 Secundas.
Dapertut en l'Europa
Betg be a Cuira è vegnì schubregià il Rain, mabain en 59 citads a la riva dal Rain en tut l'Europa. Passa 10'000 persunas èn sa participadas – en Svizra dasper Cuira er anc a Schaffusa ubain a Basilea.