L'Uniun dals Grischs UdG ha elegì in nov president: Hermann Thom da Susch succeda ad Annalea Stuppan. Thom surpiglia l'uffizi l'entschatta d'october. El è collavuratur da la Pro Senectute per il Grischun dal sid e finescha per il mument ses studi social. Hermann Thom vul en emprima lingia fabritgar punts tranter ils represchentants da la Pro Idioms ed ils aderents dal Rumantsch Grischun.
Nova suprastanza
La radunanza generala da l'UdG ha en pli reelegì Angela Jann da Schlarigna e Duri Denoth da Sent en suprastanza. Nov en suprastanza èn Chatrina Urech da Samedan e Romedi Conradin da la Val Müstair.
Angela Jann ha la radunanza generala elegì sco candidata per il post da l'Uniun dals Grischs en la suprastanza da la Lia Rumantscha. Sco delegads per la Lia Rumantscha ha la radunanza elegì a Steivan Gaudenz, Curdin Brunold, Gian Nicolay, Renata Bott e Giancarlo Conrad.
RR novitads 12:00