Chantun Grischun - Trenadras da geniturs per famiglias cun difficultads
En tschintg vischnancas grischunas datti da nov trenaders u trenadras per geniturs. Ellas accumpognan ils geniturs durant lur emprims onns sco geniturs. In tal sustegn po gidar als uffants per avair meglras schanzas en scola pli tard, sco in studi mussa.
Il chantun Grischun ha infurmà davart ina nova purschida per famiglias en cundiziuns grevas. Gratuitamain pon quellas laschar vegnir trenaders che mussan
co interagir cun l'uffant: ils geniturs duain chapir meglier lur influenza sin l'uffant
co gidar da sa sviluppar a l'uffant: saja quai en connex cun relaziuns, durmir, sanadad u segirtad
co proteger la famiglia: tge purschidas e pussaivladads datti da proteger la famiglia, nua chatt'ins sustegn
Tgi po dumandar per sustegn?
Avrir la boxSerrar la box
Persunas cun in uffant che n'è anc betg 12 mais vegl, u ch'èn en speranza.
Persunas cun problems persunals, nagina scolaziun professiunala u malsognas psichicas
Greva situaziun da viver, p.ex. pitschna abitaziun, nagina lavur
La purschida è da nov a disposiziun a Schlarigna, Puntraschigna, Segl en l'Engiadina, San Murezzan e Favugn. A Cuira ed a Tavau han il 2022 gia 13 famiglias nizzegià ils trenaders da geniturs.
Studi mussa che trenadras han in effect
Avrir la boxSerrar la box
Per intercurir tge effect ch'ils trenaders han sin ils uffants, ha la Scola da pedagogia interchantunala fatg in studi cun 248 famiglias.
En quest studi èsi sa mussà tranter auter ch'uffants en vegliadetgna da scolina han pli paucs problems en la scolina ed ina meglra lingua.
Il chantun ha dà a l'organisaziun Pro Junior Grischun
l'incumbensa da porscher trenaders u trenadras en las vischnancas menziunadas.
