Per il nov center da l'administraziun chantunala «Sinergia» s'avanzan las lavurs tenor plan. Oz è stada la festa da ventschida – 18 mais suenter il cumenzament dal bajetg. La festa da ventschida vegn mintgamai fatga uschespert ch'il tetg è fatg. Il 2020 quintan ins lura da pudair retrair las novas localitads. En tut sa chasan 2 departaments e 12 posts da servetsch en il nov center Sinergia a la Ringstrasse a Cuira.
Entschet aveva tut cun l'idea da centralisar la maioritad dals passa 40 biros d'administraziun da la citad da Cuira. Il resultat tar la votaziun dal project era dentant stà fitg stretg: Cun 27'206 cunter 27'168 vuschs è il credit da 69 milliuns francs vegnì dà liber dal pievel grischun en l'onn 2012.
RR novitads 16:00