Il president dal cussegl d'administraziun dal bus da Cuira, Erwin Rutishauser, sa retira – quai suenter 4 onns en uffizi. Sco quai che la Bus e Service SA communitgescha, dettia l'expert dal traffic public giu ses post sin il zercladur da l'onn che vegn. Cun dar enconuschent pli baud la demissiun saja pussaivel da chattar ina successiun optimala. La societad gestiunescha il bus da Cuira ed il bus da l'Engiadina.
