Quellas calculaziuns n’èn dentant betg uschia exactas e pon variar ferm. Perquai ha la Lia Rumantscha ussa lantschà il project: Dumbraziun dal pievel rumantsch. Cun inscriver ses num en «il cudesch da las rumantschas ed ils rumantschs» pon ins uschia era rinforzar la lingua rumantscha.
Preschentar numer exact il 2019
Uschia stat era sin la pagina d’internet da la Lia: «30’000? 60’000? U la finala schizunt 100’000? Igl è difficil d’eruir precis quantas persunas che discurran e chapeschan rumantsch.»
La resposta sin quella dumonda vul la
Lia Rumantscha dar il 2019. Fin lura va numnadamain la dumbraziun dals rumantschs. Tar il 100avel anniversari da la Lia Rumantscha vul ins lura preschentar in numer uschè grond pussibel.
Lia Rumantscha ha mirveglias
Il secretari general da la Lia Rumantscha Urs Cadruvi dubitescha ch’i vegn ad esser 100’000 rumantschas e rumantschs en il cudesch. Els n’hajan betg aspectativas grondas, els veglian simplamain rimnar uschè blers nums sco pussaivel.
Forsa datti ina gronda cifra, ma forsa avain la fin finala era mo 1’000 u 2’000 persunas.
Lia Rumantscha
S’inscriver pon ins sin la pagina da la Lia Rumantscha www.liarumantscha.ch u a las differentas occurrenzas da la Lia Rumantscha.
