Chantun - Dretgira administrativa approva per part recurs

Valaivel

• Proteger en general vatgas-tschierv e chauras-chavriel che portan ed han pitschens

• Paus d'enviern general per tschiervs

Betg valaivel

• En l'uffizi da chatscha e pestga ston esser represchentads a moda paritetica ils protecturs d'animals/chatschaders sco era nun-chatschaders

Il 2016 aveva il Cussegl grond validà l'iniziativa «Per ina chatscha etica che sa cumporta cun la natira» en plirs puncts. En trais puncts però aveva il cussegl declerà l'iniziativa sco nunvalaivla. Uschia vuleva l'iniziativa che l'Uffizi da chatscha e pestga vegnia mess ensemen cun mez adversaris e mez aderents da la chatscha. Er ina pli auta protecziun dad animals cun pitschens ed ina protecziun generala d'enviern per tschiervs aveva il Cussegl grond declerà sco puncts nunvalaivels.

audio

Saira: Chatscha etica – Dretgira approva parzialmain

02:39 min, ord Actualitad dals 29.08.2018.

laschar ir. Durada: 2 minutas 39 Secundas.

Cunter quels trais puncts avevan ils iniziants d'ina chatscha etica inoltrà in recurs tar la Dretgira administrativa dal chantun Grischun. Quel ha la mesemna communitgà sia decisiun.

Tenor la dretgira pon vegnir suttamess a la votaziun las duas pretensiuns davart proteger animals cun pitschens ed in paus d'enviern general per tschiervs. l'ulteriur punct, in'occupaziun paritetica da l'Uffizi da chatscha e pestga cun adversaris ed aderents da la chatscha, saja dentant discriminant.

RR novitads 12:00