La cumissiun per sanadad e fatgs socials (CSF) ha predeliberà la missiva da la regenza tar la revisiun parziala da la lescha per promover la tgira da persunas malsaunas.
Abitar assistì er en relaziuns finanzials difficilas
L'intent dal project è da porscher a persunas attempadas che na vulan u na pon betg pli viver a chasa malgrà lur pitschen basegn da tgira ina cumplettaziun da l'abitar a chasa ed in'alternativa a l'entrada en ina chasa da tgira.
Per che l'abitar assistì stettia a disposiziun er a quellas persunas che vivan en relaziuns finanzialas difficilas, vegn stgaffida cun la revisiun parziala da la lescha la basa legala per garantir prestaziuns supplementaras a locatarias ed a locataris d'abitaziuns assistidas.
Il Cussegl grond vegn a tractar questa fatschenta en la sessiun dal december 2015.
RR novitads 10:00