-
Bild 1 von 3Legenda: Las temperaturas intermediaras dal davos 146 onns. Uffizi da federal da meteorologia e climatologia. -
Bild 2 von 3Legenda: A partir dals onns 90 vesian ins in considerabel augment da temperatura. Dentant en l’entira Svizra durant tut ils mais. Quai è la midada dal clima, influenza dal carstgaun. Uffizi da federal da meteorologia e climatologia.
-
Bild 3 von 3Legenda: «Fingerprint» - l’impestaziun da l’aria ha manà ils onns 90 tar in massiva auzada da temperatura. Uffizi da federal da meteorologia e climatologia.
Dapi che l'Uffizi federal da meteorologia e climatologia ha cumenzà a mesirar las temperaturas il 1871, è la temperatura intermediara dal zercladur adina stada tar radund 10,5 grads.
Pir ils onns 90 hai dà in augment massiv da la temperatura, quai da 10,5 grads sin 11,8 grads en media. Da quest augment è per gronda part la populaziun la culpa pervia da l’impestaziun da l’aria.
En 60 onns problems d’aua
Questas chaliras n'èn betg normalas. Quai è la midada dal clima, effectuà dal carstgaun. En las muntognas è quai gia uss visibel e quai tar la pauca naiv l’enviern ed ils glatschers che svaneschan. Per la populaziun muntagnarda èn ils glatschers la basa da viver. E questa basa è periclitada. Sche las chaliras restan, e tenor Stephan Boder da l’Uffizi federal da metrologia e climatologia vegn quai a restar per ils proxims 100 onns, lura sajan ils glatschers davent en bun 60 onns. Nagins glatschers vul dir nagin’aua.