La retschertga è vegnida manada tras tar radund 3'000 giasts da bike en il Grischun. Ella demussa che pli che la mesadad dals dumandads passentan quatter u dapli notgs en il chantun. 47% stettian sur notg en hotels, il rest tar privats, tegias da culm, plazzas da camping u abitaziuns da vacanzas. La gronda part dals bikers vegn da la Svizra, numnadamein radund 70%, 24% derivan da la Germania.
Ils bikers èn cuntents
Ils dumandads èn cuntents u fitg cuntents cun las purschidas en il Grischun. Quai mussa er che bunamain 99% dals dumandads cussegliassan vinavant il Grischun sco destinaziun da bike. Ils bikers èn dentant betg mo giasts da stad – els vegnan er durant l'enviern. 54% stattan er lura quatter u dapli notgs.
RR novitads 12:00