Il telefon dal 143, pia dal maun offert, ha en l'entira Svizra scalinà radund in quart milliun giadas il 2018. Adina pli popular vegn dentant era il chat - cunzunt tar giuventetgna. 6'884 chats ha il maun offert gì l'onn passà.
L'avantatg dal chat saja, ch'el saja anc pli anonim e che las persunas ristgian uschia er da scriver da temas pli pesants, di Judith Eisenring dal maun offert Svizra Orientala. Ella ha fatg attent la gievgia en la via da la posta a Cuira sin la purschida dal 143.
RR actualitad 17.00