Il chantadur e cabarettist grischun cun ses tipics chalzers cotschens, ina chamischa alva, chautschas ed in tschop stgir è sin tribuna davos ses keyboard. Sper el vegn projectà il text da las chanzuns. Uschia po mintgin e mintgina chantar cun.
Chanzuns en differents lungatgs
Per la premiera ha Flurin Caviezel elegì chanzuns veglias, novas e da quellas en differents lungatgs. Uschia era en las trais linguas grischuns. ì è vegnì chantà chanzuns sco «S'isch mer alles ei Ding», «La canzun dil bau» e «Nel blu dipinto di blu». E l’auditori ha laschà plaschair:
Quai è propi ina giada insatge auter, insatge ch'ins n'ha betg mintga di.
Il program è stà partì en trais parts: L'emprima cun il vast titel «chantar», la secunda cul titel «viadi sin la mar» e sco davos han las aspectaturas ed ils aspectaturs anc pudì eleger lur chanzuns preferidas. Sin in cedel han els pudì scriver il num da la chanzun e durant la pausa ha Flurin Caviezel lura gì peda da tschertgar il text.
Ils concerts han lieu enfin il december
Uschia è sco davos anc vegnì chantà «Rote Lippen soll man küssen», «Marmor, Stein und Eisen bricht» e «La randulina». E las chanzuns che l’auditori e Flurin Caviezel n'han betg pudì chantar quella saira vegnan forsa chantadas tar in dals proxims concerts. «Chantar cun Flurin» ha lieu mintga emprima mesemna dal mais e quai anc enfin december en la sala dal Marsöl a Cuira.