L'Uniun Bus alpin ha pudì nudar en sis regiuns svizras in nov record da passagiers e passagieras questa stad. Tranter auter er en las duas regiuns grischunas Pany – Sankt Antönien e Bravuogn – Pass da l'Alvra. Cun passa 125'000 passagieras e passagiers han ils bus alpins puspè transportà dapli glieud suenter che las cifras eran idas enavos durant la pandemia da corona.
Tenor la communicaziun da l'uniun è stada la stad passada uschia la segund meglra dapi ch'i dat la purschida che promova il traffic public en las regiuns muntagnardas. L'enviern na curseschan nagins bus alpins en Grischun, dentant en set autras regiuns.
Or da l'archiv: