Dumengia las 21:30 ha in um armà assaglì in tancadi a la Spundistrasse a Cuira. La Polizia chantunala tschertga perditgas che pon gidar da tschiffar l'um, scriva ella sin sia pagina d'internet. Quel saja tranter 20 e 25 onns vegl e 170 fin 180 centimeters grond.
L'um ha purtà ina mascra da taila naira ed ha sfurzà sut smanatscha il persunal dal shop da surdar las entradas dal di. Il rapinader ha bandunà cun tut il cuntegn da la cassa dal di nunenconuschentamain il shop en direcziun da la citad interna.